Edificio levantado entre 1910 e 1928 polos arquitectos F. Arbós y Tremanti e Isidro de Benito para albergar a Facultade de Medicina. Constrúese con muros de cantería de granito e segue os canons do eclecticismo decimonónico. Na fachada principal, de dúas plantas divididas por unha cornixa, sobresaen e predominan o corpo central, con dobre pórtico con frontóns triangulares e a diferentes escalas, así como as dúas masas dos extremos.