Atópase na rúa Poeta Manuel María. Foi inaugurada no ano 2000 e presenta forma de vieira. No altar atópase un cáliz e sobre el a figura de Xesús Resucitado. Aos lados medallóns coas imaxes de María Magdalena e de S. Pedro. Sobre Xesús resucitado imaxe de Deus Pai flanqueado por anxos e sobre este vidreira con representación do Espírito Santo en forma de Pomba. A igrexa posúe imaxes da Virxe Nai e de Santo Antonio de Padua. Forma parte do mesmo edificio unha capela no extremo esquerdo con imaxes da Virxe do Rosario, San Xosé e Santo Antonio de Padua. No adro da igrexa atópase unha escultura metálica de Cristo crucificado e o campanario exento do templo. Na igrexa destaca a simboloxía das súas numerosas vidreiras.