Capela sen estilo definido, realizada en granito. Presenta unha planta rectangular dunha soa nave con ábsida rectangular. Posúe unha tribuna interior. Os muros están recebados e a fachada pintouse de branco. A cuberta é a dúas augas en tella curva. Sobria en decoración aínda que se xoga co contraste entre o recebo branco e os perpiaños de cantería á vista. Destaca a espadana cun só oco.