Igrexa de estilo barroco. Planta rectangular de única nave con bóveda de canón, que desemboca nun cruceiro cuberto por bóveda de crucería, que se desenvolve a través de arcos de medio punto inscritos nos muros, delimitando os espazos correspondentes ás pequenas capelas laterais e á ábsida. Aos pés da nave sitúase un coro alto.

No exterior, a fachada principal ten un sistema pentagonal, superpoñendo no seu eixe central unha porta alintelada, un pequeno oco e un segundo oco tapiado. Cornixa, decorada con aletones e rematada nos seus vértices por pináculos con bóla, interrompida no centro pola base da torre campanario. Torre formada por tres corpos, o primeiro coas campás, o segundo de características similares e o terceiro cunha cúpula flanqueada e coroada por pináculos. Cuberta a diferentes augas con cubrición de lousa.