Igrexa de estilo ecléctico. Planta en forma de cruz latina. Única nave dividida en tres tramos mediante arcos de medio punto, que se apoian sobre pilastras. Cubertas con bóvedas de arestas. O espazo do presbiterio está delimitado por un arco triunfal.

Fachada principal cunha porta rectangular rematada nun arco conopial, de tradición mudéxar, e adornos florais. Sobre o arco unha fornela acolle a imaxe de Santiago peregrino. Posúe un campanario circular que remata nun cono con ocos. Interesantes retablos neogóticos nas capelas laterais.

Dende os arredores da igrexa pódese contemplar unha magnífica panorámica litoral (praia de Pantín e inmediacións).