Forma parte do Museo Arqueolóxico Aberto de Carnota. A datación histórica deste castro sitúao entre os séculos VI a. C. e I d. C. A súa estrutura é oval e presenta dúas murallas separadas entre si, reforzadas por unha terceira na fachada sur. Ao longo do tempo son moitos os mitos e lendas de que está envolto. A de máis sona conta que este castro foi residencia da Raíña Lupa e, como proba diso, no centro atópase o seu trono: unha pedra con feitura de asento.