Pequeno templo de planta rectangular dunha soa nave, con muros de cachotaría de lousa revocados de branco con zócolo azul, e cuberta tamén de lousa a dúas augas, recentemente restaurada. Cércaa un muro polo lado E. Frontis con porta rectangular (con pequeno peto metálico de esmolas), ventá rectangular central e pequena espadana. Interior: retablo neoclásico con dous talles ben antigas, San Vicente Mártir e San Vicente Ferrer. Hai anos atopáronse no adro cámaras funerarias construídas con lousa e un sarcófago de granito, dunha soa peza e sen tapa, que demostra a existencia no lugar dun asentamento paleocristiano. Sarcófago que pode verse en fronte da ermida.