Igrexa de estilo barroco, realizada no século XVIII. Presenta unha planta rectangular onde se desenvolve unha soa nave. O espazo entre o presbiterio e a nave áchase separado por un arco triunfal de medio punto. Os elementos decorativos son moi escasos. Exteriormente, a fachada principal concentra toda a decoración, superpoñéndose unha porta rectangular e un pequeno oco.

Sobresae unha espadaña dobre rematada en pináculos con bóla. Os seus muros son de carga. A cuberta a dúas augas con cubrición de tella curva.