Igrexa de estilo barroco, realizada no século XVIII. Presenta unha planta rectangular onde se desenvolve unha soa nave. O espazo correspondente ao presbiterio posúe maior altura que a nave.

Exteriormente, a fachada principal concentra toda a decoración. No seu eixe vertical central superpóñense unha porta rectangular, un pequeno oco e, rompendo a cornixa, a espadana dobre rematada en pináculos con bólas. Os muros están revestidos e pintados de branco, exceptuando os esquinais e contornos de ocos, que mostran pedra á vista.