Templo do s.XVI. Fachada principal de sobriedade total. A porta principal é de arco de medio punto, estando decorada cunha sinxela moldura de baquetóns que percorre a porta dende as xambas. O seu remate ondulado, coa espadaña central dando empurre vertical ao conxunto, ao igual que os pináculos dos extremos da fachada, son as notas ornamentais deste conxunto. Planta de cruz latina con capelas que sobresaen. Retablo principal é de tres corpos con fornelas centrais, provisto de columnas salomónicas no corpo principal e de sartas nos outros dous. Destacan os talles de San Pedro, San Pablo e San Vitorio.