Esta igrexa atópase nas inmediacións do pazo de Milleirós, érguese sobre chan privado e para acceder a ela hai que atravesar os terreos dos propietarios do pazo. De planta rectangular, muros con cantería de granito e de cachotería, con encintados de cal rodeando as pedras. Teitume en tella e cuberta a dúas augas. Conserva un pequeno campanil cun só van de campá.

O coidado desta igrexa parroquial dependía antigamente do convento de Santa María a Nova de Lugo, á que os veciños lle pagaban décimos; posteriormente foi eliminada como parroquia eclesiástica e anexionada á de San Cristovo de Novelúa.