Igrexa sinxela de construción popular. A nave é rectangular, con presbiterio na cabeceira, de planta tamén rectangular, ao que se pega no lateral esquerdo a sancristía de pequenas dimensións. Os muros son de cachotaría e cadeirado de granito, e a cuberta de tella a dous e tres augas. Á nave accédese dende a portada principal ou por unha no lateral dereito, ambas as dúas alinteladas. A nave e o presbiterio sepáranse por medio dun arco triunfal de medio punto en aresta. O frontis remátase cunha espadana dun solo van. Son dous os retablos que se conservan, un na capela maior, de estilo neoclásico, e outro no lateral esquerdo, renacentista.