Igrexa sinxela, de nave corrida de planta rectangular, á que se pega unha capela no lateral dereito, e a sancristía no esquerdo, esta última con portada de acceso dende o interior e o exterior. Os muros son de cachotaría e cadeirado de granito, e a cuberta a dous e tres augas. A nave sepárase do presbiterio por medio dun arco triunfal de medio punto. O frontis dispón dunha portada alintelada, e remátase cunha espadaña dun van. O altar maior ten un retablo moderno, e o lateral un de estilo neogótico.