Igrexa sinxela de construción popular. A nave é rectangular, con dúas portadas de acceso, e presbiterio na cabeceira, ao que se lle pega a sancristía na parte posterior, con dúas portas de acceso. A cuberta é de tella a dous e catro augas. Na nave dispón dun coro alto aos pés, e o frontis ten unha portada alintelada, e remata cunha espadaña de dúas vans. Conserva no seu interior dous retablos, o da capela maior e un no lateral, ambos os dous de autor popular.