Esta pequena ermida está situada sobre unha elevación desde a que se pode contemplar o encoro das Conchas. O templo é do século XVIII e probablemente se trate dunha reconstrución ou ampliación dun templo anterior.
A devoción mariana ten na Capela da Clamadoira un santuario de fermosa romaxe, onde a tradición asegura que se convocaba a loita contra os mouros. O edificio presenta planta dunha nave con presbiterio resaltado en altura, provisto de ventás, e sancristía pegada. A fachada é sobria, con porta alintelada e espadana dun arco, fraqueado por aletóns, rematada por frontón. No interior hai un retablo policromado organizado mediante columnas corintias.