Construída na segunda metade do s. XII, pero sufriu reformas posteriores. Ten unha nave de planta rectangular, cos muros de cadeirado granítico con fiadas ben ensambladas e a cuberta a dúas augas con tellado de tella. A fachada, de cadeirado granítico, ten unha portada con zócolo, arestas biseladas e unha ventá. Sancristía pegada ao muro Norte.

Espadana formada por tres machóns apilastrados, unha balaustrada na súa parte baixa e dous arcos de medio punto na superior. Enriba unha cornixa na que se apoian dous remates laterais en bólas, un corpo con arco central e dous aleróns e coroa o conxunto un remate balaustrado e unha cruz. Ten dous retablos con esculturas no interior.