Igrexa de estilo barroco, de tipoloxía rural moi difundida pola bisbarra. Planta de cruz latina, dividida en catro tramos por arcos faixóns. Fachada principal e torre que presentan un volume limpo e nítido, onde destaca a porta alintelada. Campanario rematado nunha cúpula. Muros de cachotaría recebados e pintados de branco, que contrastan coas pezas de cadeirado á vista de esquinais e recercos de vans. Cuberta a dúas augas con tella plana.