A fábrica da igrexa de Candás é do século XVIII. Presenta unha soa nave con sancristía pegada. No seu interior destacan imaxes de gran calidade así como os relevos de San Benito e San Martiño probablemente de Francisco de Moure ou do seu taller. Ademais tamén hai que sinalar a porta do Sagrario coa representación do Sacrificio de Abrahan, do século XVII igual que a imaxe de San Martiño. Do século XVIII son as imaxes de San Benito, San Miguel e un relevo de San Martiño partindo a capa.