Turismo de Galicia
-
Que facer
Camiño de Santiago
Natureza
Cultura e Patrimonio
Mar e Costa
Rutas
- Top-Ten: Dez lugares únicos
- Ruta da camelia
- Rutas turísticas
- Sendas para descubir un país
- Paseos que namoran
- Vias Verdes
- Escenarios ao volante
- EuroVelo Galicia
- Alén do solpor
Gastronomía
Turismo de Saúde
Promocións para disfrutar agora
- Que visitar
-
Planifica a túa viaxe
mailto:?subject=Envio de contido de Turismo de Galicia: OBRADOIRO E ARQUIVO DE DOCUMENTACIÓN MUSICAL DO CENTRO DE ARTESANÍA E DESEÑO (CENTRAD)&body=Recoméndoche que leas a información OBRADOIRO E ARQUIVO DE DOCUMENTACIÓN MUSICAL DO CENTRO DE ARTESANÍA E DESEÑO (CENTRAD) extraída do portal de Turismo de Galicia na páxina https://www.turismo.gal/recurso/-/detalle/251114000116/obradoiro-e-arquivo-de-documentacion-musical-do-centro-de-artesania-e-deseno-centrad-?ctre=75%26langId=gl_ES%26tp=13
OBRADOIRO E ARQUIVO DE DOCUMENTACIÓN MUSICAL DO CENTRO DE ARTESANÍA E DESEÑO (CENTRAD)
Museos e coleccións
104
Datos do recursos turístico
Localización
Travesía da rúa Chantada
27004 Lugo - Lugo
Coordenadas:
43º 00' 39.9" N - 7º 33' 49.7" W
Descrición
A colección está constituída por fondos procedentes da antiga sección de música do Museo Provincial de Lugo, fondos de produción propia froito de diferentes proxectos de investigación, adquisicións, doazóns e depósitos de particulares. Completan a colección importantes fondos documentais e bibliográficos reunidos ao longo destes anos relacionados coa materia.
A tipoloxía dos seus bens abrangue instrumentos de música, tanto do patrimonio musical galego como numerosos exemplares procedentes doutras culturas, instrumentos mecánicos, obxectos e xoguetes sonoros, indumentaria tradicional e réplicas en petro de iconografía musical. Destaca a colección máis importante en Europa de instrumentos de corda medievais dos séculos XII e XIII.
O percorrido inclúe a visita ás catro salas de exposición permanente e ao obradoiro de instrumentos musicais que está integrado nas instalacións, igualmente pódense visitar os obradoiros e exposicións que forman parte do Centro de Artesanía e Deseño.
A Sala Antón de Marcos recrea o obradoiro histórico fundado no ano 1951 coas ferramentas e útiles de traballo de Paulino Pérez, así como a longa traxectoria investigadora e formativa de artesáns e intérpretes.
A Sala Pórtico da Gloria amosa as réplicas dos instrumentos representados no pórtico da catedral compostelá, nos manuscritos de Leonardo de Vinci e unha importante colección de zanfonas. A Sala Xelmírez reúne réplicas dos instrumentos representados nas ménsulas do pazo de Xelmírez anexo á catedral compostelá, estación táctil, xoguetes sonoros e unha importante colección de trompas de boca entre outros.
Por último, a Sala Faustino Santalices e Paulino Pérez, en honra aos fundadores do obradoiro, alberga instrumentos ligados á música popular galega e unha sección dedicada aos instrumentos mecánicos e de corda de diferentes partes do mundo.
A oferta complétase cun servizo de visitas coas modalidades de: guiada, técnica e activa. Tamén cun servizo de consulta dos fondos bibliográficos e documentais da colección.
