Edificio de estilo colonial, propio da arquitectura indiana con fins educativos de principios do século XX (1916). Típica construción levada a cabo por iniciativa dos emigrantes que foran a América e retornaran á súa terra natal, onde deciden colaborar á instrución dos seus paisanos. Na súa planta rectangular desenvolve dous corpos diferenciados. Como elementos decorativos destacan os motivos vexetais, o axedrezado e as molduras que rodean os vans.