Edificio proxectado en 1901 por Benito Gómez Román. Trátase dunha obra con abundantes formas neogóticas e neorrománicas. O terceiro andar foi engadido cun proxecto de Jenaro de la Fuente Domínguez, asinado o tres de maio de 1910. Este engadido ten a mesma composición que o resto do edificio pero a súa ornamentación é ecléctica. O edificio destaca polos seus vans aliñados verticalmente entre unhas pilastras lisas que compartimentan a fachada en cinco corpos sobre un eixe de simetría central. Os elementos decorativos máis importantes son: piares recortados con capiteis románicos, arcos apuntados, puntas de diamante, ameíñas, etc.