Edificio proxectado en 1893 por Jenaro de la Fuente Domínguez. Ten tres fachadas e cinco plantas. A fachada principal, que dá á "Porta do Sol", destaca por ter o eixe de simetría centralizado. Está dividida en tres corpos, destacando o central encadrado entre pilastras almofadadas e moi ornamentadas. A planta baixa e primeira, destacan pola súa planicie e almofadado e polas liñas de imposta dos balcóns, que á súa vez están decorados con cartelas de volutas. Ten tamén valados de vans con molduras en forma de cóbado e saíntes, denticulados e puntas de diamante nos linteis dos vans.