Edificio proxectado en 1898 por Michel Pacewicz. Trátase dunha casa de planta baixa e dous andares con tres áticos piramidais, e con óculos para a ventilación do baixocuberta. É un edificio simétrico con dous corpos laterais saíntes a modo de miradoiros poligonais de pedra, unha bela ménsula corrida na súa parte baixa e unha balaustrada. Ten un almofadado orixinal, tres grandes arcadas na planta baixa e unha cornixa sobre unha sucesión de arquiños ornamentados.