Edificio proxectado en 1910 por José Franco Montes. É asimétrico cun corpo torreado no lado esquerdo que se distingue do resto no tratamento das súas formas. É o máximo representante das influencias da arquitectura "sezessionista vienesa" no modernismo vigués. O máis destacable é a ornamentación labrada en granito, como: círculos, discos planos rodeados de follas, pequenos releves vexetais, acanaladuras, etc. Destacan dous balcóns illados na primeira e segunda planta, situados no corpo torreado. Son destacables porque a súa varanda está tallada en pedra e adornada con talos de flores e follas.