Edificio ecléctico de Julio Galán Carvajal (1908). Foi o antigo dispensario antituberculoso da cidade de Ferrol. O edificio está rodeado dun muro de cachotería cun enreixado de ferro en punta de lanza. Ten unha planta de plan central, cun tratamento diferente na decoración das fachadas. Posúe esquinas redondeadas con faixas horizontais de pedra e unha ampla cornixa con pináculos como remate. Cuberta a catro augas de tella curva.