Construción de estilo ecléctico, recentemente rehabilitada para usos docentes. Obra en orixe de Tollet (1902). Situada no actual Campus de Esteiro da Universidade da Coruña. Formaba parte do antigo hospital de San Carlos da Marina. Na súa planta lonxitudinal superpóñense tres pisos mais o espazo de baixo cuberta. Presenta unha orixinal estrutura de muros de carga. Destaca unha gran galería corrida, que se instalou a mediados do século XX.