Edificio racionalista construído en orixe por Rodolfo Ucha Piñeiro, o máis afamado arquitecto do Ferrol de principios do século XX. Foi rehabilitado para fins docentes (Escola Universitaria de Enfermería da Universidade da Coruña). Levantouse sobre o baluarte da muralla, como edificio autónomo, acristalado, con contrafortes nas fachadas laterais que xeran interesantes claroscuros. Na fachada principal hai unha escaleira de acceso á escola, con porta alintelada que crea simetrías. Na rehabilitación aplicáronse materiais novos.