Casa da segunda metade do século XVIII, con estilo barroco de tipoloxía rural, aínda que de gran prestancia. Nas súas orixes foi un muíño. Planta en forma de "L" irregular. Os muros e esquinais de cachotería contrastan cos marcos dos vans de cantería á vista. Nunha das fachadas laterais atópase un escudo de armas da cidade de Ferrol. Cornixa moldurada e cuberta de tella do país. Destacada a portada de cantería no patio interior, que daba acceso ao antigo muíño e que está rematada por un frontón semicircular.