Ecoparque Atalaia é un centro de ocio e aventura ao aire libre onde poderemos gozar dunha ampla gama de actividades lúdicas, recreativas e deportivas nun escenario privilexiado, en compañía de familiares, amigos, compañeiros de traballo, etc.
No núcleo de Atalaia (parroquia de Viascón, concello de Cotobade), a beiras do río Lérez e a 15 minutos de Pontevedra pola N-541 en sentido Ourense, acóllenos unha paisaxe de bosque autóctono que resulta un marco ideal para as nosas aventuras.
Contamos con instalacións e actividades deseñadas para nenos e adultos. Actividades: paintball, kaiak de río, ráfting, circuítos e rutas de BTT, paseos e rutas en cabalo, sendeirismo, trekking, orientación, xogos multiaventura...