O río Mera bordea esta zona de descanso situada nun illote próximo á Ponte Mera, á cal se accede a través de dúas pontes de madeira. A área recreativa conta con barbacoas, mesas de picnic e unha zona de baño. 

Dende a ampla terraza do quiosco do lugar podemos gozar da paisaxe e observar a gran variedade de árbores autóctonas que forman este marco de incomparable beleza, punto de partida da ruta de sendeirismo do Camiño da Mera, e que se encontra moi próximo á estación do ferrocarril.