Edificio do s. XX, de tres plantas, con oficina de información e policía local no baixo, dependencias administrativas na primeira planta e xulgado na segunda. Na fachada principal destaca, por enriba da liña da cornixa, un corpo cúbico con forma de torreón e que alberga un escudo e un reloxo. A entrada atópase nunha esquina do edificio baixo arcos oxivais, apoiados sobre piares cadrados de canteiría. Estes arcos repítense nos catro ventanais da planta baixa.