Un interesante museo sobre o mundo pedagóxico de Galicia. Trátase dun espazo de máis de 3.000 m² nun edificio moderno que, ademais de exposicións temporais e numerosas actividades sobre a temática educativa, amosa curiosas e numerosas pezas relacionadas co sistema educativo. Destacan a recreación de aulas das escolas da época da Restauración borbónica, da Segunda República, da época franquista e unha aula de indianos. Un espazo agradable que esperta a curiosidade dos máis novos e os recordos dos maiores.