Foi construído no s. XVII, ao mesmo tempo que as murallas da cidade e do castelo de San Sebastián, polos enxeñeiros militares, Juan Villarroel y Prado e os irmáns Carlos e Fernando de Grunemberg. Estaba composto por tres recintos, dos que o primeiro e parte do segundo eran de pedra. A súa construción debeuse á Guerra de Restauración de Portugal (1640-1668), para intentar protexer a cidade dos ingleses, aliados de Portugal na guerra. Hoxe consérvanse os recintos de pedra, cos seus baluartes e as súas garitas.