"O humor é un mecanismo existente en todas as culturas, unha suma de dúas realidades: traxedia e comedia, que nos libera das carencias e tamén da dor. Ademais, ofrécenos unha visión diferente dunha mesma realidade, unha realidade que fai que o humor sexa distinto segundo cando e onde se manifeste”. En Galicia o humor existe e é diferente ao dos demais. É unha forma de sabedoría que agudiza e afina a forma de ser singular dos galegos e das galegas, actuando moitas veces coma un mecanismo de defensa.