O Colexio de Nosa Señora da Antiga é tamén coñecido como o Colexio do Cardeal (polo seu fundador) ou Colexio da Compañía (polos seus rexedores ata 1776) e alcumado popularmente como o Escorial galego pola magnitude do edificio. Foi construído entre finais do século XVI e principios do XVII, baixo o patrocinio do cardeal Rodrigo de Castro para que, rexentado pola Compañía de Xesús, servira para a educación da bisbarra e de toda Galicia. Dende o ano 1873 o colexio é dirixido polos Pais Escolapios, aínda que recentemente rehabilitouse o seu antigo título de Real Colexio de Nosa Señora da Antiga.