Presenta unha bonita fachada barroca, con frontón partido e pináculos rematados por bólas, típicas do barroco galego. Sobre o frontón presenta un escudo nobiliario, baixo o cal se abre unha ventá que permite a iluminación interior. A fachada remata cunha espadaña. O exterior da igrexa é de cadeirado granítico. No interior presenta unha soa nave central, que remata no retablo maior, de corte barroco. O que máis destaca do interior desta igrexa é a súa bóveda de cañon, revestida dun belo artesoado de madeira. Para visitar a igrexa hai que pedirlle a chave aos veciños.