Ten nave de planta rectangular con cuberta de lousa a dúas augas. No lateral norte ten un cuberto e un alpendre que protexe a porta lateral de acceso cun piar de apoio angular. A torre-campanario de planta cadrada ten dúas arcadas laterais de acceso á portada do templo; na parte superior presenta catro vans que albergan as campás. Está coroada por unha cúpula. O presbiterio ten un valioso artesoado de cuarteiróns.