Templo de orixe románica con reformas posteriores de época barroca. Unha nave con cuberta a dúas augas. Mantén a ábsida da fábrica primitiva rectangular, con bóveda de canón e dividida por un arco faxón con semicolumnas ornamentadas. Altar pétreo levantado sobre unha antiga pila bautismal. Na ábsida consérvanse unhas pinturas murais, posiblemente do século XVI.

Tamén atopamos un cruceiro monolítico con capitel de follas e volutas, de fuste esvelto, con figuras alegóricas do desencravo. Foi obxecto dunha edición conmemorativa de selos do Xacobeo ´99.