FozCamp é un cámping tranquilo, cunhas espectaculares vistas ao mar e ben coidado. Esta situado o Paseo Marítimo de Foz, dispón de amplas parcelas con céspede tanto para autocaravanas, caravanas, tendas de campaña, campers ou furgonetas. Atópase situado a 7 minutos a pé de Foz, a un paso da praia de Llas (a 2 minutos a pé) e Rapadoira (7 minutos), ou a famosa Praia das Catedrais (a 20 minutos en coche), salpicada de espectaculares arcos mariños. En Foz, antigo porto baleeiro, o mar transfórmase en praia: Preto de 15 km de praias de finísima e branca area balizan esta ría. Nas súas marismas acubíllase unha das maiores colonias de aves acuáticas do noroeste, vixiadas desde as alturas por gaivotas, pardelas e alcatraces dos cantiis veciños. A Ría de Foz é un paraíso natural non só para as aves, senón tamén para os amantes dos deportes náuticos: surf, windsurf, kite, piragüismo, vela.