Edificio situado nun lugar privilexiado, nos derrames sudoccidentais da Serra da Moura dende onde se divisa a amplitude do Val do Deva, que se desenvolve ao longo do municipio de Quintela de Leirado, en dirección SE-NO.
A súa estrutura consta dunha soa nave que remata nun sinxelo campanario de corte clásico, que serve de marco á fachada principal, na mesma liña. É o máis característico do conxunto e a súa composición recorda aos templos romanos da antigüidade, pois a porta principal se atopa enmarcada por dous pares de semicolumnas en relevo que sustentan un frontón no centro do cal se sitúa a figura de San Salvador nunha fornela. Todo iso está arroupado nun grande frontón que domina o conxunto.