Igrexa parroquial que dende 1835 leva a advocación de Sta. Mª del Campo, tras ser abandonada polos franciscanos. De fábrica de cachotaría e cadeirado granítico, consta de nave central cuberta de bóveda sinxela de nervios, capela maior, dúas capelas absidais e outras laterais. Frontis con porta gótica do s. XIV con catro columnitas e capiteis de decoración vexetal, grande ventanal da mesma época con decoración de puntas de diamante e dous columnitas con capiteis de decoración vexetal, e esvelta torre-campanario no centro de estilo neogótico. Ao lado esquerdo hai unha portada gótica moi semellante á principal con decoración angulosa e vexetal nos dous capiteis dos seus columnitas. Do interior destacan os arcos románicos que dan acceso á Sala capitular antiga dende o claustro e dous retablos barrocos do s. XVIII.

Nel tamén se poden atopar os escudos de armas de importantes familias fidalgas de Ribadeo.