Onde se verá
Consulta a franxa de totalidade e elixe un punto con boa visibilidade do ceo. Accede ao mapa interactivo oficial do IGN para localizar as mellores zonas.
Mapa interactivo12 de agosto de 2026 · Galicia
Eclipse total de Sol en Galicia
Todo o que necesitas saber para disfrutala de forma segura
Un evento astronómico excepcional que se poderá observar desde boa parte de Galicia.
Nesta páxina reuniremos a información práctica e as ligazóns oficiais para planificar a experiencia: onde situarte, cando mirar e como facelo sen riscos. Os contidos iranse completando e validando de forma progresiva.
Durante as fases parciais, nunca mires ao Sol sen
protección homologada.
A retirada das gafas só é segura durante a totalidade e unicamente se estás dentro da franxa de totalidade.
A retirada das gafas só é segura durante a totalidade e unicamente se estás dentro da franxa de totalidade.
Horarios por provincia
Accede aos horarios estimados segundo a túa localización mediante o visualizador oficial. Nesta sección incorporaremos un resumo por provincias.
Ir a horariosSeguridade na observación
Recomendacións claras para observar a eclipse con seguridade, con ligazóns e materiais de referencia.
Ver recomendaciónsFontes oficiais
Nota: en agosto Galicia está en horario de verán (CEST, UTC+2). As horas oficiais poden diferir da “posta de sol real” se o teu horizonte oeste non é plano.
Que é unha eclipse solar total?
Unha eclipse solar ocorre cando a Lúa pasa diante do Sol e proxecta a súa sombra sobre a Terra. No caso dunha eclipse total, a parte máis escura da sombra (umbra) cobre o lugar onde estás durante uns instantes: o día “apágase”, baixa a temperatura e faise visible a coroa solar.
Parcial
O Sol vese “mordido”. En ningún momento queda totalmente cuberto.
Anular
A Lúa tapa o centro, pero queda un “anel” brillante arredor.
Total
O Sol queda completamente cuberto durante a totalidade. É a experiencia máis espectacular.
Por que en 2026 a totalidade entra por Galicia?
A franxa de totalidade é estreita: só a ven completa os lugares polos que pasa a sombra da Lúa. En 2026, esa traxectoria cruza o noroeste da Península e abrangue boa parte de Galicia.
- Dentro da franxa de totalidade: poderás retirar as gafas só durante eses segundos/minutos.
- Fóra da franxa: verase unha eclipse parcial (moi acusado nalgúns puntos), pero non total.
- Un bo punto de observación é aquel con horizonte despexado e pouca contaminación lumínica.
Onde se verá en Galicia?
A eclipse do 12 de agosto de 2026 verase como total nunha franxa concreta. En Galicia, o fenómeno prodúcese ao final da tarde e cara ao solpor, co Sol baixo no horizonte. Como referencia, no concello da Coruña o IGN indica que a eclipse remata arredor das 21:22 (hora oficial), antes da posta do sol. Importante: a visibilidade real pode variar se tes montes, edificios ou outros obstáculos cara ao oeste, polo que é clave escoller un lugar cun horizonte despexado.
Como escoller un bo punto de observación
- Horizonte oeste despexado: a eclipse ocorre preto da posta de Sol, así que evita vales encaixados ou lugares con obstáculos.
- Planifica accesos e aparcamento: busca espazos amplos e seguros (miradoiros, áreas recreativas, praias con saída ao oeste, etc.).
- Chega con antelación: haberá moita afluencia en zonas de totalidade.
- Confirma o teu concello no mapa oficial: a franxa de totalidade é estreita e cambia de lugar a lugar.
Mapa interactivo
Este mapa permite comprobar, concello a concello si está dentro da franxa de totalidade.
Orientación por provincias
A Coruña
Provincia con presenza clara de totalidade. A capital (A Coruña) está en totalidade e tamén moitos concellos da área metropolitana e do norte/interior. No suroeste e nalgunhas zonas costeiras a eclipse pode quedar en parcial.
Lugo
É a provincia galega con maior presenza da franxa de totalidade. A maior parte do territorio estará en totalidade (incluída a capital).
Ourense
Provincia “de contraste”: maioritariamente parcial, con totalidade nalgúns concellos. A totalidade concéntrase sobre todo no leste/sueste (Valdeorras e zonas de montaña), mentres que na contorna de Ourense cidade e boa parte do resto predomina a eclipse parcial.
Pontevedra
Predomina a eclipse parcial, con totalidade só en concellos concretos do interior. Na maior parte da provincia a magnitude é moi alta pero sen totalidade; os mellores puntos están en zonas interiores concretas.
Capitais de provincia (datos do IGN)
Estas láminas son un resumo oficial para as capitais (non para toda a provincia). Para confirmar a totalidade no teu punto exacto, usa o visualizador do IGN.
A Coruña (Total)
Inicio 19:31 · Máximo 20:28 · Fin 21:22
🌑 Totalidade 1m16s
📏 Magnitude 1.03 ☀️ Altura 12°
Lugo (Total)
Inicio 19:32 · Máximo 20:29 · Fin 21:22
🌑 Totalidade 1m24s
📏 Magnitude 1.03 ☀️ Altura 11.2°
Ourense (Parcial)
Inicio 19:33 · Máximo 20:30 · Fin 21:23
📏 Magnitude 1.00 ☀️ Altura 11.1°
Pontevedra (Parcial)
Inicio 19:33 · Máximo 20:30 · Fin 21:23
📏 Magnitude 0.99 ☀️ Altura 11.7°
Fonte: IGN/CNIG (portal de eclipses). Mantéñense logos e integridade do material.
Horarios por concello
Busca o teu concello e consulta os horarios oficiais da eclipse. Os concellos con TOTALIDADE amosan o inicio/fin da totalidade; o resto verán unha eclipse PARCIAL. Hora oficial (CEST, UTC+2).
Consello: escribe poucas letras e escolle na táboa.
A Coruña
Provincia: A Coruña
🌑 TOTAL
Inicio eclipse
--:--:--
Fin eclipse
--:--:--
Máximo
--:--:--
Magnitude
--
Inicio totalidade
--:--:--
Fin totalidade
--:--:--
Duración totalidade
--
Sol (altura · azimut)
--° · ---°
O Sol estará moi baixo cara ao oeste/oeste-noroeste no máximo da eclipse. Elixe un lugar con horizonte oeste despexado.
—
| Concello | Tipo | Máximo | Totalidade | Magnitude |
|---|
Como observalo con seguridade
Protexer a vista é fundamental. Mirar o Sol sen a protección axeitada pode causar danos oculares permanentes.
O que non se debe facer
- Non mirar o Sol directamente a simple vista, incluso se está nublado ou o Sol vése débil.
- Non empregues lentes de Sol convencionais, por moi obscuras que sexan.
- Non empregues cristais afumados, radiografías, CDs, espellos, nin ningún “truco caseiro”.
- Non apuntes cámaras, prismáticos ou telescopios cara o Sol sen filtros específicos homologados.
Protección axeitada
Para observar a eclipse con seguridade é imprescindible empregar:
- Lentes para eclipse con certificación ISO 12312-2, compradas a distribuidores de confianza.
- Filtros solares específicos para telescopios, prismáticos ou cámaras, colocados sempre por diante do obxectivo.
- As lentes de eclipse só se poden empregar se están en bo estado, sen rascaduras nin perforacións. Ante a dúbida, non se deben empregar.
Fases parciais vs. totalidade
- Durante todas as fases parciais, aínda que quede só unha pequena dentada do Sol, a protección é obrigatoria.
- Só durante os poucos minutos de totalidade completa (cando o Sol está 100% oculto pola Lúa) é seguro mirala sen lentes.
- En canto reaparece o primeiro borde brillante do Sol, hai volver poñerse a protección ao momento.
- Se estás nunha zona onde a eclipse non chega a ser total, non debes quitarte os lentes en ningún momento.
Métodos de observación indirecta
- Proxección cun cartón con burato (cámara estenopeica).
- Proxección a través de prismáticos/telescopio sobre unha pantalla (só por persoas con experiencia).
- Observación a través de retransmisións oficiais en streaming.
Consello práctico: leva as lentes contigo e
comproba que están en bo estado antes de saír. Se tes dúbidas,
prioriza métodos indirectos.
Recursos e ligazóns
Aquí reuniremos ligazóns verificadas (cartografía, cálculos, consellos de seguridade e materiais divulgativos). Engadiremos descricións breves e indicacións de atribución cando corresponda.
Ligazóns principais
Relación inicial de recursos. Iremos ampliándoa con contidos validados.
