Igrexa románica de finais do século XII con importantes reformas no século XVIII. É de planta rectangular, con nave rectangular reedificada sobre a cimentación románica e ábsida semicircular pegada a un corpo rectangular de presbiterio. Fabricada con muros de cadeirado de granito e con cuberta de tella a dúas augas. Frontis con porta principal alintelada e espadana dun van. Interesante ventanal románico de arco de medio punto na cabeceira da ábsida. Interior: arco triunfal peraltado con capiteis de carnosas follas en voluta, bóveda de canón e cuarto de laranxa na ábsida e retablo maior neoclásico do XIX. Adro-cemiterio en torno.