Edificio de planta rectangular, muros case na súa totalidade de cantería de granito e cuberta de tella a dúas augas. Sufriu varias reconstrucións nas que perdeu parte da súa esencia románica. No frontis presenta porta principal sobre a que se cingue un arco con arquivolta de baquetón, baquetilla e axadrezado. Apóiase en dúas columnas e fustes sobre os que se dispón unha imposta. A presencia de arco con doelas no tímpano permite datar a súa fábrica nos últimos anos do século XII.