Edificio románico que sufriu unha remodelación no século XVIII na que se lle subiu a ábsida a maior altura que a nave. Ten porta principal con arco de medio punto adoelado. O frontis barroco remata nunha espadana dun só van. Posúe nave rectangular e ábsida cadrada. Os muros son de cachotería e cantería de granito aínda que parte deles están lucidos. A cuberta da nave é a dúas augas mentres que a da ábsida é a catro. A ábsida ten un van rectangular. No interior consérvase un interesante altar barroco.