Foi realizada na primeira metade do século XIX. Ten planta rectangular e capela maior cadrada, coa sancristía apegada á cabeceira. Capela maior con arco triunfal de medio punto e arco de descarga no muro do altar maior. O frontispicio está coroado cunha espadana sinxela de dous vans. Conserva no interior tres retablos. O maior é neogótico, o dereito neoclásico e o esquerdo rococó.