A construción orixinal data do século XII. Na actualidade ten planta rectangular, con muros de cachotería e cantería de granito. Cuberta de tella a dúas augas na nave e a catro na capela maior. A sancristía está apegada á cabeceira. A ábsida divídese da nave mediante un arco triunfal de medio punto. A portada sur é románica, con arco de medio punto, arquivolta de baquetón e escocias, gornición de billetes, imposta lisa e columnas acobadadas dunha orde, ademais de capiteis con motivos vexetais e bólas. O tímpano é liso, perfilado con moldura de baquetón. O frontispicio remátase cunha torre-campanario de dous corpos cadrados.

Consérvanse no interior tres retablos, todos eles de estilo neoclásico.