Edificio da segunda metade do século XII, con reformas no XVIII. Os muros son de cachotería e cantería de granito, e a cuberta de tella a dúas augas. O arco triunfal ten peche nos saimeis e dúas arquivoltas con columnas dunha orde e capiteis con motivos vexetais e antropomorfos. O tramo recto da ábsida enlázase coa cabeceira semicircular por medio dun arco faixón, con dous capiteis con motivos animais e vexetais. Cabeceira dividida en tres tramos por catro columnas apegadas. No testeiro, ventá con arco de medio punto, capiteis historiados e imposta lisa. Consérvanse varios canzorros. O frontispicio remata cunha torre-campanario de varios corpos.