IGREXA DE SANTA MARÍA DOS ÁNXELES

Relixioso
1515

Localización

Parroquia: Os Ánxeles (Santa María)

Lugar: Soigrexa

15280  Brión - A Coruña

Coordenadas:
42º 50' 56.0" N - 8º 40' 31.9" W

Descrición

Esta igrexa, antigamente coñecida como Santa María de Pérros, por ser este o nome da freguesía ata o século XVI, conserva restos románicos da construción orixinal, coma a cruz antefixa na cabeceira, ou restos de decoración nos muros da sancristía.

A actual edificación, de mediados do século XVIII e planta de cruz latina de única nave, ergueuse probablemente seguindo o proxecto de Francisco Fernández Sarela. O templo conta con interesantes e valiosos retablos. O principal, de 1794 e estilo neoclásico, foi realizado por Ramón Pérez Monroy, arquitecto e escultor compostelán que asina o contrato de execución co abade Manuel Baqueo y Malvar pola cantidade de 20.000 reais. Na fachada destaca a fornela que acubilla unha imaxe da Virxe, sobre a que se dispón un reloxo.

O conxunto péchase cunha torre campanario tipicamente barroca. Interesante reloxo de sol no paramento e dúas pías bautismais no adro.

Arriba