A construción data do S.XVIII. Destaca pola súa elegancia e monumentalidade.
A súa construción foi promovida polo cardeal Celada, que co obxecto de darlle máis realce fixo traer de Roma os restos de mártir San Campio e que a veneración da cal dá lugar a unha tradicional romaxe os días 28 e 29 de Setembro.

Planta de cruz latina con sacristía adosada na fachada oriental.

No exterior un parapeto rodea o adro e sobre él descansan oito pináculos de gran tamaño e de forma piramidal, na parte interior unha bancada no lado norte.

O conxunto tamén conta con dous cruceiros diante da fachada.

Na súa fachada sobresae unha elegante torre en tres corpos coroados por unha cruz; un sinxelo pórtico de arco de medio punto, con pilastras nos ángulos, sérvelle de elemento suxeición.